Al Nahar TV
Menu
بتوجه رسائل لعملاءك زي اللي بتسمعها وبتتوجه لك من براندات تانية، زي ما بنتعلم الكلام واحنا أطفال وبنقلد اللي بنسمعه. اللي بتسمعه ده سواء براندات أكل أو لبس أو عقارات مثلًا، ده اسمه تسويق بي تو سي يعني براند هتبيع لشخص، فبتلعب على عواطفه: حب الأكل، حب أولاده، حب إن البنات تعجب بيه وهكذا، وده الفرق الأساسي بينه وبين تسويق بي تو بي
هنا احنا مش بنلعب على العواطف، بنلعب على العقل والمصلحة. المسئولين عن الأعمال هيشوفوا إيه اللي هيحقق له أكبر مصلحة
بناءً على اللي قلناه، فالـ تسويق بي تو بي ممكن يكون أعقد شوية من الـ تسويق بي تو سي. أنت هنا مش بتكلم الأمهات مثلًا اللي عندهم أطفال أقل من خمس سنين من الطبقة المتوسطة أو طلبة الجامعات الانترناشونال من الطبقة العليا، فبشوية دراسة تقدر تحدد اهتمامات واحتياجات الفئة اللي بتكلمها وتوصل لأحسن طريقة ممكن تخليها تشتري المنتج
أما في الـ تسويق بي تو بي، فأنت محتاج تعرف حجم الشركة وعدد الموظفين وطبيعة المنتجات اللي بتقدمها وإيه الميزة التنافسية بتاعتها وبيكسبوا قد إيه ومين المنافسين بتوعها والـ حصة السوقية بتاعهم
عشان كده بنقول إنه أعقد من الـ تسويق بي تو سي، لإن مفيش شركة شبه التانية في كل النقط دي
زي ما عملت مع الأعمال اللي عايز تبيع لها، لازم تعمل مع نفسك: إيه الميزة التنافسية بتاعتك اللي هتقدمها للعميل؟ مين المنافسين بتوعك؟
ونرجع لحاجة مهمة جدًا من مبادئ التسويق وهي العناصر الأربعة للتسويق: المنتج، السعر، المكان، الترويج. ازاي تستخدم الأربع حاجات دول عشان تقدم أكبر قيمة للعميل بتاعك: إيه الميزة التنافسية اللي بتقدمها له؟ هل بتقدمه له سعر تنافسي وفي نفس الوقت مش قليل للدرجة اللي تخلي العميل يقلق من السعر؟ المنتج بتاعك هيجيبه منين؟ وهيسمع عنه ازاي؟
دي مش حاجة مختلفة عن الـ تسويق بي تو سي، لكن زي ما قلنا لإن القرار مبني على العقل أكتر من العاطفة، فأنت لازم تبذل مجهود أكبر في إنك تقدم الأفضل بين المنافسين
اتخاذ قرار الشراء بيمر بـ٣ مراحل: إن العميل يعرف إن عنده مشكلة محتاج يحلها الوعي وبعدين يدور على حلول ليها مرحلة التفكير وإنه يقرر هيشتري إيه القرار
يبقى الاستراتيجية بتاعتك لازم تتقاطع مع الـ٣ مراحل دول
الإيميل من أكتر الحاجات اللي الناس في الأعمال بيتعاملوا بيها، فهتقدر تقدم لهم المنتج بتاعك ولو مذاكر العميل بتاعك والـ٣ مراحل اللي قلنا عليهم، هتقدر تلفت نظره لإنك بتتكلم عن المشكلة اللي بيدور لها على حل أو بتلفت نظره ليها من الأساس، أو بتكلمه عن حلها اللي هو منتجك، ودي فرصتك إنك تقنعه إنه أفضل حل
كنا كتبنا مقال عن أفضل طريقة تنفذ بيها تسويق عبر البريد الإلكتروني بدون ما تتحول لبريد مزعج
We are a set of Experts with many years of experience in the Digital communication industry. We offer innovative Digital marketing solutions for brands by implementing a Deep knowledge of marketing science.
Copyright © 2024, Growtheg LLC. All Rights Reserved.
